Pacolli: Vendimi i Qeverisë për reciprocitet legjitim, të mbështetet nga spektri politik

22:26 | 22 Shtator 2021
Përparim Bublaku

Kryetari i Aleancës Kosova e Re, Behgjet Pacolli ka thënë se në botën e civilizuar implementimi i marrëveshjeve ndërshtetërore është gjëja më normale.

Pacolli që dikur ka qenë president i vendit e zëvendëskryeministër dhe ministër i Jashtëm i Kosovës, ka thënë se vendimi i Qeverisë së Kosovës për vendosjen e reciprocitetit është i drejtë.
Ai përmes një postimi në Facebook, ka thënë se ky vendim duhet të përkrahet nga i gjithë spektri politik në vend.

“Në botën e civilizuar implementimi i marrëveshjeve ndërshtetërore është gjëja më normale, dhe në këtë rast, kur Serbia nuk e bën këtë, Qeveria e Kosovës, me të drejtë aplikon instrumentin e reciprocitetit. Është legjitime dhe secili nga spektri politik duhet ta mbështes fuqishëm këtë veprim!”, ka shkruar ai në Facebook./arbresh.info/